DHI (Direct Hair Implantation, yəni birbaşa saç implantasiyası) follikulların Choi qələmi adlanan xüsusi alətlə, əvvəlcədən kanal açılmadan əkildiyi saç əkimi üsuludur. Follikullar FUE-də olduğu kimi donor nahiyəsindən bir-bir götürülür; fərq əkim mərhələsindədir.
DHI necə aparılır?
- Müayinə və planlaşdırma. Alın xətti, əkiləcək nahiyə və təxmini greft sayı müəyyən edilir.
- Yerli anesteziya. Prosedur yerli anesteziya ilə aparılır.
- Follikulların götürülməsi. Follikullar donor nahiyəsindən mikro alətlərlə bir-bir toplanır.
- Choi qələmi ilə əkim. Hər greft qələmin içinə yerləşdirilir və eyni hərəkətlə dəriyə əkilir. Bu zaman greftin bucağına, istiqamətinə və dərinliyinə nəzarət edilir.
DHI-nın xüsusiyyətləri
- Kanal açma və əkim bir mərhələdə edildiyi üçün greftlər bədəndən kənarda daha qısa müddət qalır.
- Sıx əkim tələb edən nahiyələrdə və alın xəttinin formalaşdırılmasında dəqiq işləməyə imkan verir.
- Mövcud saçların arasına əkim edilərkən onlara zərər vermək riski azdır; buna görə təraşsız saç əkimində də tez-tez istifadə olunur.
- Daha çox vaxt və təcrübəli komanda tələb edir; çox geniş nahiyələrdə FUE ilə birlikdə planlaşdırıla bilər.
DHI, yoxsa FUE?
Hər iki üsulun öz üstünlükləri var və hər kəs üçün eyni dərəcədə uyğun olan bir üsul yoxdur. Seçim saç tökülməsinin dərəcəsindən, donor nahiyəsinin vəziyyətindən, saçın quruluşundan və gözləntilərinizdən asılıdır. FUE saç əkimi haqqında ayrıca məqaləmizdə daha ətraflı oxuya bilərsiniz.
Bərpa dövrü
DHI-dan sonrakı bərpa FUE ilə oxşardır. İlk günlərdə yüngül şişkinlik və qızartı ola bilər, qabıqlar adətən 7–10 gün ərzində düşür. 2–8 həftə arasında şok tökülmə baş verə bilər. Yeni saçlar təxminən 3–4 aydan sonra çıxmağa başlayır, son nəticə isə adətən 12 aya yaxın formalaşır.
Mümkün risklər
Müvəqqəti şişkinlik, qızartı, qaşınma və həssaslıq ən çox rast gəlinən yan təsirlərdir. İnfeksiya nadir hallarda baş verir. Prosedurdan əvvəl rutin analizlərin aparılması və sonrakı qulluq qaydalarına əməl edilməsi riskləri azaldır.
Tez-tez verilən suallar
DHI prosedur nə qədər çəkir?
Greft sayından asılı olaraq adətən 6–8 saat. Choi qələmi ilə hər greft ayrıca əkildiyi üçün DHI eyni sayda greft üçün FUE-dən bir qədər uzun çəkə bilər.
DHI-dan sonra nəticələr nə vaxt görünür?
Yeni saçlar təxminən 3–4 aydan sonra çıxmağa başlayır, aydın dəyişiklik 6-cı aydan görünür, son görünüş isə 12 aya yaxın formalaşır.
DHI zamanı ağrı olurmu?
Prosedur yerli anesteziya ilə aparılır. Anesteziya iynələri zamanı qısa müddətli narahatlıq hiss oluna bilər. Prosedurdan sonra yüngül həssaslıq adətən ağrıkəsicilərlə idarə olunur.
DHI ilə başımı qırxdırmadan əkim etmək olarmı?
Bəzi hallarda bəli. Donor nahiyəsinin vəziyyəti və greft sayı uyğun olduqda DHI təraşsız şəkildə aparıla bilər. Bu, müayinədən sonra müəyyən edilir.
Əlavə oxu: Əvvəl və sonra: nəticələr · Saç əkimindən sonra bərpa · Saç əkiminin qiyməti nədən asılıdır?
Saçınızın vəziyyətini qiymətləndirmək üçün onlayn saç analizi formasını göndərə və ya WhatsApp ilə yaza bilərsiniz.
Bu məqalə ümumi məlumat xarakteri daşıyır və həkim müayinəsini əvəz etmir. Sizin üçün uyğun müalicəni yalnız müayinədən sonra həkim müəyyən edə bilər.
